Sulit ba ang Sulit.com.ph?

Marahil nagtataka kayo kung bakit ganito ang aking panimulang title sa post ko na ito.

Ikukuwento ko ang buong pangyayari...

First year college pa lang ako noon, hindi pa uso masyado ang pagtatayo ng computer shop sa Baliwag, Bulacan.  Mabibilang mo lang sa mga daliri mo ang mga computer shop.  Sa hindi inaasahang pangyayari, sa tulong ng Panginoon, nakuha ng aking ina ang mga benepisyo galing sa aking yumaong ama.  Nagdesisyong kaming magkapatid na bumili ng isang unit ng computer, halagang Php 45,000.00 pa non.  Dahil sanay naman akong magcomputer, naisipan kong gawin itong negosyo.  Tumanggap ako ng typing jobs sa mga kaklase ko.  Hindi nagtagal, gumanda ang naging resulta ng pagsisikap ko.  Natutuhan ko rin kung pano mag layout lalo na ang paggawa ng wedding invitation. Nag boost ang aking business at nakilala ako dito sa amin.

Dahil na rin teknolohiya, maraming mga bagay na makabago ang aking napansin. Ninais ko at sinabi sa aking sarili na gusto ko rin "magkaroon ng ganoon " dahil nung mga panahon na iyon nais kong mag expand ng negosyo.  Dito pumasok ang isa kong kaibigan na mahilig mag online araw 2x.  Nagtanong ako sa kanya kung saan ako makakakita at makakahanap ng mga supplier na puwede kong kuhanan at pagtanungan ng mga prices tungkol sa mga materyales na gusto kong bilhin.  Binanggit niya sa akin ang Sulit.com.ph.  Sabi ko, anu yan?  Sabi niya sa akin, doon mo makikita ang mga bagay na hinahanap mo.  Ibinigay sa akin ang website ng Sulit. www.sulit.com.ph.  Tinuruan ako kung pano ko gamitin ang website ng Sulit.com.ph

Tinanong ko ang aking sarili.  Sulit ba ang Sulit.com.ph? Ang tanging nasagot ko sa aking sarili ay OO, SULIT NA SULIT.  Bakit?

1.  Nang dahil sa SULIT.COM.PH, dito ko nakita at nakilala ang mga supplier ng wedding invitation lalo na kapag embossed style ang pag uusapan.

2. Dito ko rin nalaman ang mga iba't ibang pangalan ng board na ginagamit sa paggawa ng invitation

3. Dito ko rin nalaman ang presyuhan ng mga supplier kapag bulk orders.

4. Dito ko rin nalaman kung saan pwede mamili ng mga key chains, mugs, tumblers, at mga ibang souvenir.

5. Dito rin ako nagsimula maglagay ng advertisement noong kasagsagan ng boxing ni Pacquiao

At higit sa lahat, sa Sulit.com.ph ko nakilala si David. :)

Posted in: blog contest